Dagbok Gudrunar de Fontenay

Nýja vefsíðan mín :)

2004-02-16T15:38:00.000Z

Já nú er loksins komin mynd á nýju vefsíðuna en hún er nú samt enn í vinnslu!! ...endilega kíkiðið og komið með komment :)

bara þetta venjulega :)

2003-10-31T13:08:00.000Z

Það er bara allt þetta fína að frétta af mér :o) Ég var að byrja með tómstundarskólann í Áslandsskóla í gær, það gekk bara voða vel. Annað námskeiðið var í málun og hitt í photoshop.

Nú er ég að leggja lokahönd á ritgerðarverkefni í náms-og félagssálfræði sem er búið að fara þónokkur vinna í - ég og Sigríður tókum viðtal við unglingsstúlku sem við unnum svo útfrá í ritgerð.

Það er svo gaman að sjá hvað unga kynslóðin er tölvuvædd : ) Dætur mínar Ólöf Sesselja og Guðrún Birna eru auðvitað með síður og svo var Alexander sonur bróður míns að bætast í hópinn : )

Jæja ekkert meira hangs - sjáumst

Naglasagan.

2003-10-06T21:44:00.000Z

Þetta er saga af litlum dreng sem var afar geðvondur. Faðir hans gaf honum naglapakka og sagði honum að í hvert sinn sem hann missti stjórn á skapi sínu skyldi hann negla einn nagla í bakhlið grindverksins. Fyrsta daginn negldi drengurinn 37 nagla í grindverkið.

Næstu vikurnar lærði hann að hafa stjórn á reiði sinni og fjöldi negldra nagla minnkaði Loksins rann upp sá dagur að enginn nagli var negldur og drengurinn hafði lært að hafa stjórn á sér. Hann sagði föður sínum þetta og faðirinn lagði til að nú drægi drengurinn út einn nagla fyrir hvern þann dag sem hann hefði stjórn á skapi sínu. Dagarnir liðu og loks gat drengurinn sagt föður sínum að allir naglarnir væru horfnir. Faðirinn tók soninn við hönd sér og leiddi hann að grindverkinu. Þú hefur staðið þig með prýði en, sjáðu öll götin á grindverkinu. Það verður aldrei aftur eins og það var áður. Þegar þú segir eitthvað í reiði, skilur það eftir sig ör alveg eins og naglarnir. Þú getur stungið mann með hnífi og dregið hnífinn aftur úr sárinu, en það er alveg sama hve oft þú biðst fyrirgefningar, örin eru þarna samt áfram.

Ör sem orð skilja eftir sig geta verið jafnslæm og líkamleg ör. \" Vinir\" eru sjaldgæfir eins og demantar. Þeir hlusta á þig, skiptast á skoðunum við þig og opna hjarta sitt fyrir þér.

Fyrirgefðu mér ef ég hef skilið eftir göt í grindverkinu þínu.....

Jæja mætt aftur eftir langt bloggleysi!

2003-10-06T21:21:00.000Z

Nú ætla ég að fara vera duglegri að blogga : )

Það er allt á fullu í skólanum hjá mér, er núna að leggja lokahönd á spurningarlista sem ég og Sigríður Hrafnkels. eigum að leggja fyrir ungling á morgun - en þetta er 1. verkefni vetrarins í Náms-og félagssálfræði.

Þegar þessu verkefni er lokið þá get ég snúið mér aftur að vefsíðugerðinni - sem er í soldlu uppáhaldi hjá mér : )

Bæ í bili, GdeF

hæ hó nú er komið nó af bloggleysi

2003-09-25T14:51:00.000Z

Hér er ég :o)

2003-09-19T14:58:00.000Z

Nú er ég loksins farin að vinna í nýju vefsíðunni minni - hún verður rosalega flott!! ég skrifa urlið hérna þegar vinnslan er komin aðeins lengra.

Nýja síðan mín !!

2003-09-12T14:47:00.000Z

Þetta er verkefni Guðrúnar le Sage í LHÍ !!